Geocell news RSS feed

აქცია ”100 მეგაბაიტი ინტერნეტის აქტივაციისას” დასრულებულია

2012-01-30T12:36:56-03:00

ძვირფასო აბონენტებო,

გატყობინებთ, რომ აქცია ”100 მეგაბაიტი ინტერნეტის აქტივაციისას” ლაილაის აბონენტთათვის დასრულებულია

სოციალური ქსელების პაკეტი უფასოდ 3 დღის განმავლობაში

2012-01-30T12:43:52-03:00

გაააქტიურეთ მობილური ინტერნეტი უფასოდ და ისარგებლეთ სოციალური ქსელების პაკეტით უფასოდ 3 დღის განმავლობაში - 10 მეგაბაიტი დღეში. აკრიფეთ *106*4# OK.
გამოიყენეთ Facebook-ის, Одноклассники-ს, Twitter-ის ან სხვა სოციალური ქსელის მობილური ვერსია. 3 დღის შემდეგ, სერვისი ავტომატურად გაგრძელდება და დღეში 20 თეთრად მიიღებთ 10 მბ ტრაფიკს მობილური ინტერნეტისათვის. სოციალური ქსელების პაკეტის სერვისის გამორთვა/ჩართვა - *139# OK.

10 მბ ტრაფიკის გადაჭარბების შემთხვევაში 1 მბ - 70 თეთრი; დამრგვალება 10 კბ.

აქცია ძალაშია მხოლოდ ლაილაის აბონენტებისთვის.

ფასდაკლება როუმინგში ჩინეთში

2012-01-24T16:13:20-03:00

ჯეოსელის აბონენტებს გთავაზობთ მნიშვნელოვან ფასდაკლებას ზარებზე, SMS –სა და მობილურ ინტერნეტზე ჩინეთში, China Unicom–ის ქსელში.

ტარიფები იხილეთ აქ
ფასდაკლება მოქმედებს 2012 წლის 31 დეკემბრის ჩათვლით

ცვლილება ლაილაის აბონენტთათვის!

2012-01-20T15:06:03-03:00

ძვირფასო აბონენტებო,
გაცნობებთ, რომ 2012 წლის 8 თებერვლიდან იცვლება ლაილაის ნომრის მოქმედების ვადები.

“ლაილაის აბონენტის” მიერ “ნომერზე” თანხის ბოლო ჩატვირთვიდან ოთხმოცდაათი (90) დღის განმავლობაში“აბონენტს” შესაძლებლობა აქვს განახორციელოს/მიიღოს ზარები და ისარგებლოს ყველა გააქტიურებული სერვისით (“სააბონენტო ნომერზე” ასეთი სერვისით სარგებლობისათვის საკმარისი თანხის არსებობის შემთხვევაში), ხოლო თანხის ამოწურვისას “ნომერი” გაითიშება ცალმხრივად, რა დროსაც “ლაილაის აბონენტი” შეძლებს მიიღოს მხოლოდ შემომავალი ზარები და ისარგებლოს “ჯეოსელის” უფასო სერვისებით და/ან საგანგებო ნომრებით.

“ლაილაის აბონენტის” მიერ “ნომერზე” თანხის ბოლო ჩატვირთვის ოთხმოცდამეთერთმეტე (91) დღიდან ოცდაათი (30) დღის განმავლობაში (ანგარიშზე თანხის არსებობის მიუხედავად) “ნომერი” გაითიშება ცალმხრივად (ანუ “აბონენტს” შეეძლება მხოლოდ შემომავალი ზარების მიღება და “ჯეოსელის” გარკვეული უფასო სერვისებით და/ან საგანგებო ნომრებით სარგებლობა).

თუ “ლაილაის აბონენტი” “ნომერზე” თანხის ბოლო ჩატვირთვიდან ასოცი (120) დღის განმავლობაში არ მოახდენს “ნომრის” ანგარიშის შევსებას, ასოცდამეერთე (121) დღეს “ნომერი” გაითიშება ორმხრივად (“ლაილაის აბონენტს” მომდევნო ოცდაათი (30) დღის განმავლობაში შესაძლებლობა ექნება “ნომრის” ანგარიშზე დადგენილი წესის დაცვით ჩატვირთოს ნებისმიერი ოდენობის თანხა და ორმხრივად გაააქტიუროს “ნომერი”).

„ლაილაის აბონენტის“ მიერ თანხის ბოლო ჩატვირთვიდან ასორმოცდაათი (150) დღის განმავლობაში, თუ იგი არ ჩატვირთავს თანხას „ნომრის“ ანგარიშზე, ასორმოცდამეთერთმეტე (151) დღიდან “ხელშეკრულება” ავტომატურად გაუქმდება.

როუმინგული ტარიფის ცვლილება

2012-01-17T10:31:19-03:00

გაცნობებთ, რომ 1 თებერვლიდან იცვლება ჯეოსელის როუმინგული ტარიფები მოცემულ ოპერატორთა ქსელში:

1. ეთიოპია -ETC

2. რუსეთი -Tele2

3. რუსეთი -Megafon

4. ტაილანდი -DTAC

5. ტაილანდი -AIS

6. თურქეთი -Avea

ლაილაის აბონენტთა საყურადღებოდ

2012-01-17T17:09:58-03:00

ძვირფასო აბონენტებო,

გაცნობებთ, რომ 2012 წლის 6 თებერვალს გაუქმდება ლაილაის ყველა ის ნომერი, რომელიც შეძენილია 2010 წლის 1 სექტემბრიდან და დღემდე არ არის გააქტიურებული. გაუქმება არ ეხება მიმდინარე აქციების ნომრებს: აქცია “სამი ნოლი” და აქცია “ფრი”.

ჯეოსელის ადმინისტრაცია.

„112“-ის მომსახურების საფასური, მისი განაკვეთისა და გადახდის წესი

2012-01-17T18:18:19-03:00

საქართველოს მთავრობის
დადგენილება №489
2011 წლის 27 დეკემბერი

ქ. თბილისი

საქართველოს შინაგან საქმეთა სამინისტროს საჯარო სამართლის იურიდიული პირის – „112“-ის მომსახურების საფასურის, მისი განაკვეთისა და გადახდის წესის დამტკიცების შესახებ

მუხლი 1. „საქართველოს შინაგან საქმეთა სამინისტროს საჯარო სამართლის იურიდიული პირის – „112“-ის შექმნის შესახებ“ საქართველოს კანონის მე-8 მუხლის მე-2 პუნქტისა და „ელექტრონული კომუნიკაციების შესახებ“ საქართველოს კანონის შესაბამისად, დამტკიცდეს თანდართული „საქართველოს შინაგან საქმეთა სამინისტროს საჯარო სამართლის იურიდიული პირის – „112“-ის მომსახურების საფასური, მისი განაკვეთი და გადახდის წესი“.
მუხლი 2. დადგენილება ამოქმედდეს 2012 წლის 1 იანვრიდან.

პრემიერ-მინისტრი ნ. გილაური

საქართველოს შინაგან საქმეთა სამინისტროს საჯარო სამართლის იურიდიული პირის – „112“-ის მომსახურების საფასური, მისი განაკვეთი და გადახდის წესი
მუხლი 1. საფასური და მისი განაკვეთი
1. საქართველოს შინაგან საქმეთა სამინისტროს საჯარო სამართლის იურიდიული პირის – „112“-ის (შემდგომში – 112) მომსახურების საფასურის (შემდგომში – საფასური) გადამხდელები არიან ფიქსირებული გეოგრაფიული ან არაგეოგრაფიული ზონის და მობილური სატელეფონო მომსახურების მიმღები აბონენტები (შემდგომში – აბონენტი).
2. საფასური (დღგ-ის ჩათვლით) შეადგენს:
ა) ფიქსირებული გეოგრაფიული და არაგეოგრაფიული ზონის სააბონენტო ნომერზე ყოველ კალენდარულ თვეში, მიუხედავად აბონენტად გახდომის რიცხვისა:
ა.ა) ფიზიკური პირისთვის – 0.20 ლარს;
ა.ბ) იურიდიული პირისთვის, ორგანიზაციისთვის, დაწესებულებისთვის – 0.50 ლარს;
ბ) მობილური სატელეფონო მომსახურების მიმღები აბონენტებისთვის სააბონენტო ნომერზე ყოველ კალენდარულ თვეში, მიუხედავად აბონენტად გახდომის რიცხვისა:
ბ.ა) ფიზიკური პირისთვის – 0.20 ლარს;
ბ.ბ) იურიდიული პირისთვის, ორგანიზაციისთვის, დაწესებულებისთვის – 0.50 ლარს.
3. ფიქსირებული გეოგრაფიული და არაგეოგრაფიული ზონის სააბონენტო ნომერზე საფასური გადაიხდება:
ა) სააბონენტო ნომერზე, რომელზეც ხდება სააბონენტო გადასახდელის დარიცხვა და კალენდარული თვის განმავლობაში ერთხელ მაინც იყო ორმხრივად ჩართული;
ბ) სააბონენტო ნომერზე, რომელზეც არ ხდება სააბონენტო გადასახდელის დარიცხვა და კალენდარული თვის განმავლობაში მოხდა ფასიანი მომსახურების შეძენა ან ფასიანი მომსახურებით სარგებლობა;
გ) სატელეკომუნიკაციო მომსახურების პაკეტის შეძენისას ან სარგებლობისას, თუ ამ პაკეტით მიწოდებული სააბონენტო ნომრის მეშვეობით კალენდარული თვის განმავლობაში მოხდა ფასიანი მომსახურების შეძენა ან ფასიანი მომსახურებით სარგებლობა.
4. ამ მუხლის მე-2 პუნქტის „ბ“ ქვეპუნქტით გათვალისწინებულ შემთხვევებში საფასური გადაიხდება თითოეულ სააბონენტო ნომერზე, რომელზეც კალენდარული თვის განმავლობაში ჯამში მოხდა 5 ლარზე მეტი ღირებულების მომსახურების შეძენა ან მომსახურებით სარგებლობა.
5. საფასური არ გადაიხდება სააბონენტო ნომერზე, რომელიც გამოიყენება საკონტროლო-სალარო აპარატებში.
6. სააბონენტო ნომრების პორტირების შემთხვევაში საფასურის დარიცხვა ხდება ცალ-ცალკე პორტირებამდე და პორტირების შემდგომ პერიოდის მიხედვით.

მუხლი 2. საფასურის გადახდის/ამოღების წესი
1. საფასურის ამოღებას, ამ დადგენილებით განსაზღვრული წესით, უზრუნველყოფს ელექტრონული საკომუნიკაციო მომსახურების მიმწოდებელი პირი (შემდგომში – მომსახურების მიმწოდებელი).
2. საფასური არ აისახება მომსახურების მიმწოდებლის ერთობლივ შემოსავალში. მომსახურების მიმწოდებელი ვალდებულია საფასური ყოველთვიურად განცალკევებულად ასახოს მის მიერ აბონენტისთვის გაწეული მომსახურების ანგარიშში.
3. სააბონენტო ნომერზე საფასურის დარიცხვა ხდება ყოველი კალენდარული თვის მიხედვით, ხოლო საფასურის გადახდა/ამოღება ხდება სააბონენტო გადასახდელთან ან ელექტრონული საკომუნიკაციო მომსახურების ღირებულებასთან ერთად. აბონენტის მიერ მომსახურების მიმწოდებლისთვის გადახდილი თანხიდან პირველ რიგში უნდა დაიფაროს საფასური.
4. თუ აბონენტს ერიცხება საფასურისა და მომსახურების მიმწოდებლისადმი დაგროვილი დავალიანება, პირველ რიგში უნდა დაიფაროს საფასური და შემდეგ – მომსახურების მიმწოდებლისადმი არსებული დავალიანება.
5. აბონენტის მიერ დაგროვილი დავალიანების თვეების მიხედვით დაფარვისას საფასურისა და მომსახურების მიმწოდებლისადმი არსებული დავალიანების დაფარვა ხდება თანმიმდევრულად, დავალიანების დარიცხვის თვეების მიხედვით. პირველ რიგში სრულად იფარება შესაბამისი თვის საფასური და შემდეგ – მომსახურების მიმწოდებლისადმი არსებული შესაბამისი თვის დავალიანება.
6. მომსახურების მიმწოდებელი ვალდებულია ყოველი მომდევნო თვის არა უგვიანეს 3 სამუშაო დღის ვადაში 112-ის მიერ განსაზღვრული ფორმით და შინაარსით წარუდგინოს მას საფასურის დარიცხვასა და გადახდასთან დაკავშირებული ინფორმაცია სააბონენტო ნომრების მიხედვით.
7. მომსახურების მიმწოდებელი ვალდებულია ყოველი მომდევნო თვის არა უგვიანეს 7 სამუშაო დღისა იმ დროისთვის გადახდილი/ამოღებული საფასური სრულად ჩარიცხოს 112-ის მიერ წინასწარ განსაზღვრულ საბანკო ანგარიშზე.
8. მომსახურების მიმწოდებელი ვალდებულია წერილობითი მოთხოვნიდან არა უგვიანეს 7 სამუშაო დღისა 112-ს წარუდგინოს საფასურის ამოღებასთან დაკავშირებული ნებისმიერი ინფორმაცია.
9. მომსახურების მიმწოდებლის მიერ ამ დადგენილებით მასზე დაკისრებული ვალდებულებების შესრულებაზე კონტროლს ახორციელებს საქართველოს კომუნიკაციების ეროვნული კომისია.
10. მომსახურების მიმწოდებლის მიერ ამ დადგენილებით მასზე დაკისრებული ვალდებულებების შეუსრულებლობა წარმოადგენს „ელექტრონული კომუნიკაციების შესახებ“ საქართველოს კანონის 45-ე მუხლით დადგენილი პასუხისმგებლობის დაკისრების საფუძველს.

მუხლი 3. საფასურის გადახდისაგან გათავისუფლება
1. ამ წესის პირველი მუხლის მე-2 პუნქტის „ა.ა“ ქვეპუნქტით დადგენილი საფასურის გადახდისაგან თავისუფლდებიან „სოციალურად დაუცველი ოჯახების მონაცემთა ერთიან ბაზაში“ რეგისტრირებული ოჯახის წევრები, რომელთა სარეიტინგო ქულა არ აღემატება 70 000-ს.
2. საჯარო სამართლის იურიდიული პირი – სოციალური მომსახურების სააგენტო ვალდებულია უზრუნველყოს მომსახურების მიმწოდებელთა წვდომა „სოციალურად დაუცველი ოჯახების მონაცემთა ერთიან ბაზასთან“ და მომსახურების მიმწოდებლებს პერიოდულად მიაწოდოს ინფორმაცია ერთიან ბაზაში სოციალურად დაუცველი ოჯახების/პირების დამატების ან სტატუსის გაუქმების შესახებ.
3. „სოციალურად დაუცველი ოჯახების მონაცემთა ერთიან ბაზაში“ რეგისტრირებულ პირებს ამ მუხლის პირველი პუნქტით გათვალისწინებული უფლება წარმოეშობათ ან უუქმდებათ „სოციალურად დაუცველი ოჯახების მონაცემთა ერთიან ბაზაში“ რეგისტრაციის ან რეგისტრაციის გაუქმების თვის მომდევნო თვიდან.
4. თუ აბონენტის იდენტიფიცირება ვერ ხერხდება „სოციალურად დაუცველი ოჯახების მონაცემთა ბაზის“ მიხედვით, აბონენტმა ამ მუხლის პირველი პუნქტით გათვალისწინებული შეღავათით სარგებლობისათვის მომსახურების მიმწოდებელს უნდა წარუდგინოს იდენტიფიცირებისათვის აუცილებელი ინფორმაცია/დოკუმენტები.

მუხლი 4. ხელშეკრულების საფუძველზე შესრულებული სამუშაოდან მიღებული შემოსავალი
112 უფლებამოსილია ფიზიკურ და იურიდიულ პირებთან დადებული ხელშეკრულებების საფუძველზე გასწიოს სხვა სახის მომსახურებაც. ასეთი მომსახურების საფასურის ოდენობა განისაზღვრება შესაბამისი ხელშეკრულებით.

ქვეყნის ფიქსირებულ და მობილურ სატელეფონო ქსელებში მოქმედი პრეფიქსისა და საერთაშორისო პრეფიქსის ცვლილება

2012-01-11T12:12:21-03:00

გაცნობებთ, რომ საქართველოს ელექტრონული საკომუნიკაციო ქსელების ნუმერაციის ეროვნული სისტემის დანერგვასთან დაკავშირებით დღეს, 2012 წლის 11 იანვარს, ქვეყნის ფიქსირებულ და მობილურ სატელეფონო ქსელებში მოქმედი პრეფიქსი - ”8” შეიცვალა და ამოქმედა ეროვნული პრეფიქსი - ”0” და საერთაშორისო პრეფიქსი - ”00”, შეიცვალა საქალაქთაშორისო და საერთაშორისო სატელეფონო კავშირით მომსახურების უზრუნველმყოფი საოპერატორო კომპანიების 8XX ფორმატის კოდები, ახალი 10XX ფორმატის კოდებით.

დამატებითი ინფორმაცია იხილეთ ამ ბმულზე.

ფასდაკლება ისრაელში ლაილაის აბონენტთათვის

2012-01-04T10:32:35-03:00

იმოგზაურე ისრაელში ჯეოსელთან ერთად და ისარგებლე ზარებსა და SMS- ზე მნიშვნელოვანი ფასდაკლებით Orange-ის ქსელში :

გამავალი ზარი -1.50 ლარი / წთ
შემავალი ზარი- 1.50 ლარი / წთ
გამავალი SMS -0.40 ლარი
დამრგვალება გამავალ ზარზე-1 წუთი, ხოლო შემავალ ზარზე-1 წამი.

როუმინგის ჩართვა ლაილაის აბონენტთათვის უფასოა. აკრიფე *117# OK და მიყევი შესაბამის ინსტრუქციას.
ფასდაკლება მოქმედებს 2012 წლის 4 იანვრიდან 2012 წლის 4 თებერვლის ჩათვლით.

შეგახსენებთ, რომ ისრაელში Orange-ის ქსელში ფასდაკლებით ასევე სარგებლობენ ჯეოსელის აბონენტები. ტარიფები იხილეთ აქ

ჯეოსელ-კონექტის ფასის შემცირება

2012-01-03T17:11:48-03:00

გაცნობებთ, რომ ჯეოსელ-კონექტის ფასი შემცირდა 65 ლარამდე! შეიძინეთ ჯეოსელ-კონექტი მხოლოდ 65 ლარად და მიიღეთ 1გბ ინტერნეტ ტრაფიკი უფასოდ!

დამატებითი ინფორმაციისთვის ეწვიეთ ამ ბმულს