ქველმოქმედება

კულტურა, სპორტი, ქველმოქმედება - ჯეოსელის სავიზიტო ბარათია

თუ ”ჯეოსელის” აბონენტი ხართ, ეს უკვე იმას ნიშნავს, რომ თქვენ ყოველთვის მოვლენების ცენტრში ხართ და მრავალ საინტერესო პროექტში იღებთ მონაწილეობას და რაც მთავარია, სწორედ თქვენი თანადგომით ხორციელდება ის ასობით გახმაურებული საქველმოქმედო პროექტი, რომელსაც ”ჯეოსელი” ბოლო ათი წლის განმავლობაში სთავაზობს საზოგადოებას. თქვენი აქტიურობით ყოველდღე ეხმარებით ათიათასობით სმენადაქვეითებულ ადამიანს, ზრუნავთ ობოლ და მზრუნველობას მოკლებულ ასობით პატარაზე, უპატრონო მოხუცებზე.

უფრო ზუსტად თუ რისი გაკეთება შეძლო კომპანიამ ამ ათი წლის განმავლობაში თქვენი მხარდაჭერით, ამას ქვემოთ მოყვანილი მაგალითებით შეიტყობთ.
  • 2008 წელი
    ჯეოსელისა და იავნანას ერთობლივი პროექტი ”შენ სახლში ბრუნდები”, რომელიც გულისხმობს უსახლკარო ბავშვების სახლში დაბრუნებას. ჯეოსელის აბონენტებს საშუალება ეძლევათ ჩაერთონ თანადგომის მარათონში. ჯეოსელის ყველა აბონენტს შესაძლებლობა აქვს გააგზავნონ მოკლე ტექსტური შეტყობინება ნომერზე 3030.

  • 2008 წელი
    ჯეოსელი საგანგებო რეჟიმში - აგვისტოს ტრაგიკულ მოვლენებთან დაკავშირებით, ჯეოსელი აქტიურად ჩაერთო იძულებით გადაადგილებულთა დახმარების პროცესში. კომპანიამ პატრონაჟი გამოაცხადა თბილისის 103-ე საჯარო სკოლაში განთავსებულ დევლინებზე და ისინი უზრუნველყო ტანსაცმლით, მედიკამენტებით, ჰიგიენური საშუალებებითა და ყოველდღიური ცხელი კერძებით. გარდა ამისა, შემოღებულ იქნა სპეციალური ტარიფი, რომლის ფარგლებშიც ყველა დევნილი წუთში მხოლოდ 9 თეთრად საუბრობს.

  • 2007 წელი
    ჯეოსელმა საუკუნის პროექტის განხორციელება დაიწყო. საქმე ეხება იყალთოს სამონასტრო კომპლექსის აღდგენა-რესტავრაციას. ეს მნიშვნელოვანი კულტურული კერა სავალალო მდგომარეობაში იმყოფება. კომპანიის გადაწყვეტილებით, მონასტრის ტერიტორიაზე პირველ ყოვლისა ჩატარდება არქეოლოგიური სამუშაოები, რასაც მოყვება ტაძრის სრული რეკონსტრუქცია. გახსოვდეს! იყო ჯეოსელის აბონენტი, ნიშნავს, რომ შენ, შენი ქსელის საუკუნის პროექტის მონაწილე ხარ.

  • 2006 წელი
    ჯეოსელი ახალი სოციალური პროექტის ”ჩვენ თქვენი გვესმის” განხორციელებას იწყებს, რითაც ათასობით სმენადაქვეითებულის ცხოვრება რადიკალურად იცვლება. ეს პროექტი რამდენიმე ასპექტს, მათ შორის ყველაზე მნიშვნელოვანს - იაფ კომუნიკაციასა და დასაქმებას მოიცავს. აგრეთვე ამ კატეგორიის ადამიანებისათვის მოეწყო კომპიუტერული სასწავლო ცენტრი. რამდენიმე სმენადაქვეითებული ჯეოსელი ოფისებში დასაქმდა, ზოგიერთმა კი მისი პარტნიორი ორგანიზაციებიდან მიიღო შემოთავაზება.

  • 2006 წელი
    ჯეოსელი პაატა ბურჭულაძის საქველმოქმედო ფონდ ”იავნანასთან” აქტიურ თანამშრომლობას იწყებს და ათობით მზრუნველობას მოკლებულ პატარა ოჯახს უბრუნდება. 3 მაისის საქველმოქმედო აქციიდან, ჯეოსელის აბონენტების აქტიურობითა და აქციის სხვა სპონსორების მხარდაჭერით იმდენი თანხა მოგროვდა, რომ ერთ-ერთ მრავალშვილიან ოჯახს თბილისში ბინა შეუძინეს.

  • 2005 წელი
    ჯეოსელი ოქროს ნომრების გახმაურებულ აუქციონს ატარებს. 877 777777-სა და 877 999999-ს გაყიდვიდან 38 ათასი ლარი მოგროვდა, რაც მთლიანად, გლდანი-ნაძალადევის რაიონში ქერჩის ქუჩაზე, მზრუნველობა მოკლებულ ბავშვთა სოციალური ადაპტაციის ცენტრის დაარსებას მოხმარდა. აქ 2005 წლის ივნისიდან მოყოლებული, ქუჩის მაწანწალა ბავშვები რეაბილიტაციას გადიან. იმავე წელს ნოემბერში, 855 555555 რეკორდულ ფასად 41 ათას ლარად იყიდება, საიდანაც შემოსული თანხა ბოლო თეთრამდე სათნოების სახლ ”კათარზისს” გადაეცა. ჯეოსელის ამ საჩუქარმა ”კათარზისის” ათობით მოხუცს, რომ იტყვიან სულზე მოუსწრო. სათნოების სახლის ხელმძღვანელი ზაურ ალადაშვილი აღნიშნავს, რომ ”კათარზისის” 15-წლიან ისტორიაში ასეთი მასშტაბის ქველმოქმედება არც ამ სახლის ბინადართ და არც მის ხელძღვანელობას არ ახსოვს.

  • 2005 წელი
    ჯეოსელის მხრიდან კვლავაც გრძელდება სპორტული ღონისძიებების მხარდაჭერა . 2005 წელს ჯეოსელი ლეილა მესხის სახელობის ჩოგბურთის აკადემიაში ჩატარებული შეჯიბრების მთავარი სპონსორი იყო

  • 2005 წელი
    გაიმართა ტელე-მარათონი, რომლის მიზანიც იყო სტიქიით დაზარალებულთა დახმარება, ჯეოსელმა არა მხოლოდ საორგანიზაციო ხელშეწყობა განახორციელა, არამედ ფინანსური დახმარებაც გაუწია სტიქიით დაზარალებულებს.

  • 2005 წელი
    კომპანიამ მნიშვნელოვანი წვლილი შეიტანა ფსიქიატრიულ საავადმყოფოში მდებარე არტ-თერაპიის განყოფილების ამოქმედებაში.

  • 2005 წელი
    ჯეოსელმა ფინანსური მხარდაჭერა გაუწია საქართველოს ნორჩ გამომგონებელთა გამოფენა-კონკურსს, რომელიც ტრადიციად იქცა

  • 2004 წელი
    თბილისში ”ჯეოსელის” ფინანსური მხარდაჭერით სტუდენტური დღეები ტარდება

  • 2004 წელი
    ”ჯეოსელის” წყალობით საქართველო იმ პროექტის მონაწილე ხდება, რომლის საშუალებითაც ყოველ წელს ადგილობრივ ესტრადას ნიჭიერი, თუმცა უცნობი ახალგაზრდები ემატებიან. ეს პროექტი იმდენად წარმატებული და საინტერესო აღმოჩნდა, რომ ის მომდევნო წლებშიც გრძელდება

  • 2004 წელი
    ”ჯეოსელი” იყო მთავარი სპონსორი იმ ეგზოტიკური აქციისა, რაც ერთგვარი ნიშანი იყო კონსოლიდაციისა. ”კავკასიური ცარცის წრე ჯეოსელის რადიუსში” ასე ერქვა ამ აქციას, რომელშიც ძირითადად ქართული თეატრისა და კინოს მსახიობები ღებულობდნენ მონაწილეობას

  • 2004 წელი
    ჯეოსელი აქტიურად უჭერს მხარს სპორტის განვითარებას. ამის დასტურია რენა აბჟანდაძის სახელობის ჩოგბურთის ყოველწლიური ტურნირის მხარდაჭერა.

  • 2003 წელი
    ოთხი სპორტული, ექვსი კულტურული და ხუთი საქველმოქმედო აქცია ამ წლის აქტივებში ჩაიწერა, მათ შორის რამოდენიმე ყველაზე ღირსშესანიშნავი და დასამახსოვრებელი აღმოჩნდა

  • 2003 წელი
    2002 წლის 25 აპრილს, თბილისში მომხდარი მიწისძვრის შემდეგ ძალიან მალევე ”ჯეოსელი”დაზარალებულთა დასახმარებლად სპეციალურ აქციას იწყებს. კომპანიის აბონენტთა და თანამშრომელთა აქტიურობით წლის ბოლომდე რამდენიმე ათასი ლარი გროვდება, რითაც ”ჯეოსელი” თბილისის გარეუბნებში ოთხ კეთილმოწყობილ ოროთახიან ბინას ყიდულობს. გამჭირვალე კენჭისყრის საშუალებით ოთხი დაზარალებული გამარჯვებულის ვინაობა გაზეთ ”24 საათის” რედაქციაში გაირკვა. მოგვიანებით კანში, მსოფლიო GSM კონგრესზე ”ჯეოსელი” მიწისძვრის პროექტით ”მობილური საზოგადოების” ნომინაციაში გამარჯვებულად დასახელდა

  • 2003 წელი
    თბილისის შემოსასვლელში დავით აღმაშენებლის სახელობის ხეივანში ქართული ესტრადის მომღერლებთან და საზოგადო მოღვაწეებთან ერთად ათასამდე კაკლის ხე დაირგო. ”ჯეოსელის” ეს ერთგვარი ეკოლოგიური აქცია არც პირველი იყო და არც უკანასკნელი

  • 2003 წელი
    ”ჯეოსელი” საპატრიარქოსთან ერთად საკუთარ თავზე იღებს იმ 17 უპოვრის მზრუნველობას, რომელიც ჯიქიას ქუჩის ბოლოში ”გაძვალტყავებულ” შენობაში, უკვე მეექვსე წელია გაჭირვებით ცხოვრობს, უფრო ზუსტად კი სულდგმულობს. ყოველ ექვს საათზე საღამოს, მათ ჭიშკართან ”ჯეოსელის” მინიავტობუსი ჩერდება, საიდანაც უპოვრებისთვის იმ საღამოს ვახშამი იწყება. საკვების გარდა, ”ჯეოსელი” მათ ყოველდღიურ ნივთებსა და მედიკამენტებზე ზრუნავს

  • 2003 წელი
    ბავშვთა დაცვის საერთაშორისო დღეს დიღომში მურმან იაშვილის სახელობის საავადმყოფოში, თანამედროვე სტანდარტების გათვალისწინებით, ბავშვთა გადაუდებელი დახმარების ცენტრი იხსნება, რაშიც განსაკუთრებული წვლილი კომპანია ”ჯეოსელს” მიუძღვის. ფინანსური დახმარების გარდა ”ჯეოსელი” ამ ცენტრის სატელეფონო კავშირითაც უზრუნველყოფს. ექსპერტების შეფასებით, ამ ახალგახსნილ ცენტრს პოსტსაბჭოთა ქვეყნებში ანალოგი არ მოეძებნება

  • 2001 წელი
    გაზაფხულზე სოფელ აკურაში კიდევ 1500 ხე დაირგო. ეს აქცია განხორციელდა ფონდ არასამთავრობო ორგანიზაცია "მწვანე დედამიწასთან" ერთად

  • 2000 წელი
    თბილისის ხელოვნების საერთაშორისო ფესტივალი ”საჩუქარი”, მწირი დაფინანსების გამო თითქმის წაშლის პირას არის. სწორედ ამ დროს ”ჯეოსელი” ფესტივალის ყველა ხარჯს საკუთარ თავზე იღებს

  • 2000 წელი
    ფესტივალ ”საჩუქრის” პარალელურად, კახეთში უფრო ზუსტად კი სოფელ აკურაში ნამდვილი ზეიმი ეწყობა. ამ სოფელში ”ჯეოსელის”სახელობის ტყე გაჩნდა. რამდენიმე თვეში სოფელ აკურაში, ”ჯეოსელი” კიდევ ერთხელ სტუმრობს რეგიონს და დამატებით 1500 ხეს რგავს

  • 2000 წელი
    2000 წლიდან მოყოლებული დღემდე, ”ჯეოსელის”დახმარებით გალერეა TMS-ში ყოველწლიური ფოტოგამოფენა და ფოტოკონკურსი ტარდება

  • 2000 წელი
    ”ჯეოსელის” პატრონაჟით ქართულ საჩოგბურთო სივრცეში მეორე სერიოზული პროექტი - მამაკაცთა ტურნირი Geocell Cup ტარდება

  • 2000 წელი
    ”ჯეოსელის” კიდევ ერთი სპორტული აქტივობა ეროვნულ საკალათბურთო გუნდს ”სტუ ჯეოსელის” ჩამოყალიბებას უკავშირდება

  • 1999 წელი
    ქართველ მთასვლელთა ერთი ნაწილი მსოფლიოს უმაღლეს მწვერვალს ევერესტს იპყრობს. ამ ექსპედიციის სპონსორებს შორის გამორჩეული ადგილი კომპანია ”ჯეოსელს” უკავია